هرّس حاجز اللغة فالألعاب فالبلاصة.
Glint Translator كيترجم النصوص اللي فـ الشاشة وصوت النظام فـ ثواني، مدعوم بأكثر من 240 لغة. كمّل قصتك بلا ما توقف اللعب ولا تدير Alt-Tab.
* التحديثات ديال مايكروسوفت ستور كيوصلو معطلين شحجة بيومين.
* إلا كان عندك شي موشكيل فالتحميل روفريشي (أكتايليزي) الصفحة ورجع جرّب.
* * الفيديو ما كيخدمش لراسو. كليكي على Play باش تتفرج.
مميزات حقيقية للگيمرز
"بلا Alt-Tab. بلا Windowed Mode. كمّل قصتك."
OCR مدعوم بالـ AI
كيشد النصوص حتى لو كان الخط صعيب ولا الألوان مبايناش ولا الشاشة كتحرك. الهدف ديما هو ترجمة كتحافظ فالمعنى.
تراكب شبحي (Ghost Overlay)
شاشة خفيفة وشفافة كتندمج مع اللعبة بلا ما تفسد لك الجو ديال اللعب. قرا، شوف، وكمّل اللعب.
استهلاك خفيف بزاف
بفضل الاندماج مع ويندوز 10 و 11، البرنامج ما كيأثرش على الأداء ديال اللعبة. كيستغل المعالج (CPU) والرام بشكل واعر وحجم التحميل صغير.
ترجمة حية (Live Subtitles)
كيسمع الصوت من الجهاز مباشرة بلا مايكروفون. كيعرف الحوارات فـ اللعبة فـ نفس الوقت وكيدير ترجمة غادية مع القصة.
اختصارات وسط اللعبة
تشد لقطة بضغطة وحدة ← ترجمة ← تبيّن. الأوامر سريعة وعملية باش ما يعطلكش فـ اللعب.
نظام البروفايلات
سجّل إعدادات الترجمة، الألوان وباقي الحوايج كبروفايل لكل لعبة بوحدها. ما تحتاجش تريݣل كل مرة، غير بضغطة رجع كلشي وبدا تلعب!
تفريق المتكلمين
كيعرف شكون كايهضر، كيترجم غير الحوار وكيخلي السميات الشخصية. كيسهّل تبع القصة باللوينات لكل شخصية.
قاموس مصطلحات Glint AI
عزل الكلمات اللي ما بغيتيهمش يترجمو ولا زيد مصطلحاتك. قاد مصطلحات اللعبة على ذوقك باش تاخذ ترجمة مزيانة ومناسبة.
اكتشف عالم الألعاب الآسيوية
العب ياباني وشينوي وكوري بلا تسناو، الترجمة الفورية بالذكاء الاصطناعي دارت اللازم.
موافق كاع المنصات
خدام مع 100,000+ لعبة على Steam، Epic Games، EA، Ubisoft، و GOG بلا مشاكل.
سرعة خيالية
استمتع بالترجمة اللي مفيهاش التعطيح (<50ms)، 9 محركات ديال الترجمة باش نضمنو ليك لعب بلا مشاكيل.
4 أوضاع مختلفة للترجمة
كل لعبة وشكلها. Glint Translator كيعطيك 4 طرق باش تخدمو حسب الموقف.
ترجمة دالشاشة كاملة
كيشد كاع الكلمات اللي فـ الشاشة كاملة. حل سريع للمينيو (Menu)، نصوص المهام (Quests)، أو الشاشات المعمرة.
ترجمة منطقة محددة
كيترجم غير البلاصة اللي عزلتها. كينقص من الغلاط وكيعطيك نتيجة "نقية".
ترجمة سلسة
كيتبع الغيير ديال النصوص بسلاسة كبيرة. الجمل كيتقراو متابعين بلا تقطاع طول ما الهضرة خدامة.
الترجمة الحية (Live Subtitles)
كيترجم حوارات اللعبة لايف. نظام تحليل الصوت كيعرف شكون كيهضر وكيعطي لكل واحد شرطة (-) بلون (متلا شخصية X أزرق، شخصية Y خضر). هكذا الحوار ماكيتخربقش.
ممكن تبدل بين الأوضاع غير بضغطة. حققنا نسبة دقة كثر من 90% فـݣاع الأوضاع فالاختبارات (*النسبة كتبدل حسب النص وجودة الصورة).
إعدادات API مرنة
اختار شركة الترجمة اللي بغيتي. دخل السوارت دياولك (Keys)، رابيطهم بالبروفايل ديلك، وتكل على الله العب.
Glint AI أوفلاين
فابور للديما! تحليل الصوت وسط اللعبة بلا انترنت كيخدم من البيسي ديالك نيشان.
Deepgram STT
حوّل الحوار لنص فالبلاصة بدقة عالية باستعمال تكنولوجيا التعرف على الصوت المتقدمة.
Google Translate
ترجمة فابور للاستخدام الزربان (على حساب الحاجة).
OpenAI
خود ترجمة طبيعية وكتفهم السياق بشكل واعر بفضل موديلات OpenAI بحال GPT-4o و GPT-4 Turbo.
Google Cloud Translate
ترجمة قوية وكتكبر معاك باستخدام تكنولوجيا Google Cloud للمؤسسات.
Microsoft Azure
اندماج بالزربة وبنية تحتية صحيحة مع Azure Translator.
Yandex API
مرونة كثر مع دعم Yandex API كبديل للترجمة.
DeepL API
ترجمة زوينة واحترافية غير تزيد الساروت ديال DeepL ديالك.
Google Gemini API
ترجمة منطقية وسريعة بزاف باستعمال موديلات Google Gemini (بحال 2.5 Flash, 2.5 Pro).
مفاتيح (Keys) الـ API ديالك كتسجل غير فـبيسيك (جهازك المحلي) بوحدو. خدم مزود واحد أو دير لكل لعبة مزود مختلف داكشي شغلك.
كيفاش خدّام؟
ترجمة وسط اللعبة فـ 3 خطوات: شد ← فهم ← بيّن.
التقاط الشاشة
البرنامج كيشد النص عن طريق وضع الشاشة الكاملة، ولا منطقة معينة ولا الوضع السلس.
الـ OCR والترجمة
كيقرا النص بالـ OCR وكيترجمو للغة اللي بغيتي بالمزود اللي اختاريتي. إلا عزلتي قاموس Glint AI غادي يخدم فهاد الخطوة.
تراكب شبحي (GHOST OVERLAY)
كيبين ليك الترجمة فـلوحة شفافة. وبفضل التفريق بين المتكلمين كتكون القراءة ساهلة ومريحة للعين.
الترجمة الحية (LIVE SUBTITLES)
كيسمع الصوت دـ اللعبة بلا مايك، كيحللو لايف، وكيخرج ليك ترجمة غادية مع الحوار.
الاستخدام اللي كننصحو بيه
نصيحة-
باش تاخد أفضل استقرار: ثبت وضع ترجمة المنطقة فوق البلاصة اللي كيبان فيها السطورة.
-
صاوب بروفايل لكل لعبة: رجع إعداداتك بضغطة وحدة وكول التمارة.
-
خدم قاموس Glint AI: تأكد من أن سميات الأسلحة والقدرات كيترجمو كيفما هما.
“إلا النصوص كيركبو فوق بعضياتهوم، هبط الشفافية شوية وكحل التراكب لللتحت فاليسر.”
دعم للغات بعرض البحر
Glint Translator مصاوب باش يخدم مع جميع اللغات اللي كايدعمها Google Translate. يعني البرنامج حاليا تايعرف كثر من 240 لغة/لهجة.
* رقم اللغات ممكن يتزاد مع التحديثات ديال Google.
لغات الترجمة
تغطية شاملة لكل لغات Google Translate: ترجمات فـ 240+ لغة/لهجة.
لغات الواجهة (18 لغة)
التطبيق تيدعم 23 لغة فالواجهة (Interfce) ديالو، هاد النیڤو مكاينش فبزاف دالبرامج.
أمان البيانات والخصوصية
كيفاش كتخدم فكرة الخدمة النقية؟
1. تحليل الشاشة (OCR)
البرنامج ماكيسجلش الشاشة فيديو. غير تيقرا النصوص فديك اللحظة وكيقلب البيكسل لكلمات وكـيمسح الصورة فالبلاصة باش يحافظ على السرعة والبيانات.
2. معالجة الصوت
البرنامج عمرو ماكيسمع المايكروفون ولا الهضرة ديالك. كيركز غي على صوت اللعبة وكيدير الخدمة فالـ الرام (RAM) بلا تسجيل.
3. نقل البيانات والأمان
لي كانديرو بـ الانترنت هو فقط ارسال النص باش يتترجم للـ API ديلك. وهادشي ماكيقربش لمعلوماتك الشخصية. كلشي محلي و مجهول (Anonymous).
Glint Translator تنشر فـ متجر Microsoft بعدما داز من جميع فحوصات الأمان بامتياز. البرنامج كيشوف كيسمع غي اللعبة ماكيسمعك لا نتا لا بياناتك.
أكتر الأسئلة اللي كتّطرح (الأسئلة المتداولة)
الأسئلة اللي كانسمعوها ديما
Q. واش هادشي كيطيح الأداء (الـ Performance) دـاللعبة؟
حنا الهدف ديالنا هو أقل استهلاك ممكن. ولكن المردودية ممكن تتغير على حساب الجهاز ديالك واللعبة. إلا اختاريتي ترجمة لمنطقة وحدة وقاديتي الإعدادات غادي يكون الأداء واعر وفالقيمة.
Q. شنو أحسن طريقة دالترجمة؟
إلا بغيتي الزربة والسهولة، خدم الميزات المجانية، وإلا بغيتي داكشي مخيّر والجودة العالية خصك دير الـ API. وتقدر دير لكل لعيبة بروفايل ديالها ومزود ديالها بوحدو.
Q. شنو كنعنيو بتفريق المتكلمين (Speaker Separation)؟
كتخلي الهضرة مقروءة وساهلة باش تعرف شكون اللي كيدوي وامتى.
Q. واش البرنامج يقدر يجيب ليا البان (Ban) فـاللعبة؟
لا، حيت هو ما كيلمس لا الملفات ديال اللعبة لا السيرفورات دياولها كيقرا غي الشاشة. ولكن قرا سياسات اللعابي التنافسية ديالك المراجعة ديالها بقات عليك نتا.
Q. كيفاش كتخدم ترجمة الصوت (Live Subtitles)؟
من غير مايكروفون، البرنامج كيشد الصوت دـ لجهاز وكيقلب الكلمات لنصوص لايف. وخدام بسلاسة. الحاصول البرنامج كيقدر إيفرق بين اللي كيهضرو؛ متلا شخصية X كاتبان شرطة زرقا (-) وشخصية Y كاتبان شرطة خضرا (-). هاكا الحوار المعقد كيبقا باين وساهل للقراية.
تيليشارجيه دابا وضوك الشياكة
الفرسيون لخرة كاينة هنا.
* التحديثات ديال مايكروسوفت ستور كيوصلو معطلين شحجة بيومين.
* إلا كان عندك شي موشكيل فالتحميل روفريشي (أكتايليزي) الصفحة ورجع جرّب.
✨ الجديد فهاد التحديث دابا (v1.0.8)
🤖 دمجنا Google Gemini API
زدنا الميزة ديال Google Gemini فلوحة الاختيار. الموديلات (2.5 Flash، و 2.5 Flash Lite، و 2.5 Pro) دابا كاينين وتقدر تخدمهم.
🤖 اختار الموديل من OpenAI
دابا تقدر تعزل وتختار أين موديل بغيتي تخدم ملي تدير OpenAI ك API ديالك (سوءا GPT-4o، أو GPT-4 Turbo، أو GPT-3.5).
⚡ تحسينات فالـ OCR
سرعنا وقوينا لقط الكلمات، والنتيجة بتبان بالزربة دابا.
🌍 لغات جداد تضافو
التحديث دـ الواجهة جاب ليك 4 داللغات جداد:
- البرتغالية (البرتغال)
- البرتغالية (البرازيل)
- الإسبانية (الأرجنتين)
- الإسبانية (المكسيك)
تطبيق Glint Translator دابا كيعطيك يدعم لـ 18 لغة مختلفة فـالواجهة ديالو.